elephant kills oldaged pilgrim injures two others in poondi reserve forest

ఏనుగు దాడిలో వృద్ధ భక్తుడి మృతి ఇద్దరికి గాయాలు

దైవ దర్శనానికి వచ్చిన 60 ఏళ్ల వృద్ధ భక్తుడు ఏనుగు దాడిలో దుర్మరణం చెందాడు. ఈ దుర్ఘటన ఆదివారం పూండి రిజర్వ్ ఫారెస్ట్ కు 30కిలోమీటర్ల దూరంలో జరిగింది. ఏనుగు దాడిలో మరో ఇద్దరు తీవ్ర గాయాల పాలయినట్లు పోలీసులు తెలిపారు. ఇక్కడకు సమీపంలోని వెలియాన్ గిరిలో కొండపై పురాతన దేవాలయాన్ని సందర్శించుకోవడానికి పలువురు భక్తులు బయలుదేరారు. వీరంతా మార్గమధ్యంలో సెలయారులో నీళ్లు తాగేందుకు ఆగారు. అకస్మాతుగా అడవిలో నుంచి దూసుకువచ్చిన ఏనుగు ఆరుసామి(60) అనే వృద్ధుడ్ని కాళ్లతో తొక్కేసింది. దాంతో అతను అక్కడికక్కడే దుర్మరణం పాలయ్యాడు. మరో ఇద్దరిపైన ఏనుగు విరుచుకుపడగా తీవ్ర గాయాలపాలయ్యారు. మరికొందరు భక్తులు మాత్రం ఏనుగు దాడి నుంచి చాకచక్యంగా తప్పించుకుని బయటపడినట్లు సమాచారం.

Lover kills woman travels with body in suitcase

ప్రేయసిని చంపి సూట్ కేస్ లో కుక్కిన కిరాతకుడు

నమ్మిన ప్రేయసిని దారుణంగా హత్య చేసిన కిరాతకుడి ఉదంతమిది. 25 ఏళ్ల యువతి వారం రోజులుగా కనిపించకపోవడంతో ఆమె తల్లిదండ్రులు పోలీసులకు ఫిర్యాదు చేయగా ఈ దారుణం వెలుగుచూసింది. మేడ్చల్ లోని ఓ డ్రెయినేజీ నుంచి యువతి మృతదేహాన్ని శనివారం (ఏప్రిల్13) కనుగొన్నారు. ఇంజినీరింగ్ చేసిన యువతి తన సహ విద్యార్థిని ప్రేమించింది. వీరిద్దరూ 2017 నుంచి ప్రేమించుకుంటున్నారు. ఈనెల 4న ఇద్దరూ ఉద్యోగం కోసం మస్కట్ లో ఇంటర్వ్యూకు వెళ్తామని కుటుంబ సభ్యులకు చెప్పారు. కానీ అతను యువతిని శంషాబాద్ ఎయిర్ పోర్టుకు సమీపంలోని లాడ్జిలో దించాడు. ఆ తర్వాత రోజు ఆమెను చంపేసి సూట్ కూస్ లో శవాన్ని కుక్కాడు. ఆ సూట్ కేస్ తో కొంత దూరం బస్ లో ప్రయాణించి ఆ తర్వాత క్యాబ్ లో కి మారి మేడ్చల్ ప్రాంతానికి  చేరుకున్నాడు. అక్కడ డ్రెయినేజీలో సూట్ కేస్ ను పారేసినట్లు పోలీసులు వివరించారు. యువతి ఫోన్ కాల్స్ ఆధారంగా హంతకుడి గుట్టురట్టయింది.  

worlds largest plane rock flies first time in mojave california from stratolaunch private company

‘రాక్’ ప్రయోగం విజయవంతం

·        ప్రపంచంలోనే అతి పెద్ద అంతరిక్షవాహక విమానం

ప్రముఖ అంతరిక్ష వాహక విమానాల తయారీ సంస్థ స్ట్రాటో లాంచ్ ప్రపంచంలోనే అతి పెద్ద రవాణా విమానాన్ని విజయవంతంగా పరీక్షించింది. అమెరికా కాలమానం ప్రకారం (13 ఏప్రిల్) శనివారం ఉదయం 6.58 కి కాలిఫోర్నియాలోని మొజావ్ ఎయిర్ అండ్ స్పేస్ పోర్ట్ నుంచి  ఈ అతిపెద్ద ఉపగ్రహాల రవాణా విమానం ‘రాక్’ను ప్రయోగించింది. రన్ వే పై పరీక్ష పూర్తయిన అనంతరం రాక్ గాల్లోకి దూసుకెళ్లి ఆకాశంలో 2గంటల 30 నిమిషాల పాటు చక్కర్లు కొట్టింది. ఫుట్ బాల్ మైదానం విస్తీర్ణం (360 అడుగులు) కన్నా ఈ రాక్షస విమానం ‘రాక్’ రెక్కల వైశాల్యం పెద్దది. మొత్తం 385 అడుగుల వెడల్పుతో అత్యంత పెద్ద రెక్కలుగల ‘రాక్’ 17 వేల అడుగుల ఎత్తుకు దూసుకెళ్తుంది. దీని గరిష్ఠ వేగం గంటకు 304 కిలోమీటర్లు. ఉపగ్రహ వాహక రాకెట్లను రవాణా చేసే ఈ భారీ విమానం గగనంలో 35 వేల అడుగుల ఎత్తు వరకు ప్రయాణిస్తుంది. రెండు విమానాల్ని అతికించినట్లు కనిపించే ఈ భారీ విమానం ఆరు జెట్ ఇంజన్లను కల్గి ఉంటుంది. అంతర్జాతీయ అంతరిక్ష పరిశోధనా కేంద్రం వైశాల్యానికి ఈ విమానం మొత్తం వైశాల్యం సరిగ్గా సమానం. రాక్ విజయవంతంతో నాసా ప్రయోగాలకు మరింత ఉపయుక్తం కాగలదని భావిస్తున్నారు. ఇదొక చారిత్రక విజయంగా నాసా అసోసియేట్ అడ్మినిస్ట్రేటర్ థామస్ జుర్బెచెన్ పేర్కొన్నారు. ప్రాజెక్టు విజయవంతానికి కృషి చేసిన జట్టు సభ్యులకు, భాగస్వామ్య సంస్థ నార్తరప్ గ్రుమన్స్ కు స్ట్రాటోలాంచ్ కంపెనీ సీఈవో జీన్ ప్లాయిడ్ అభినందనలు తెలిపారు. రాక్ ప్రయోగం విజయవంతం కావడం.. భూమి పై నుంచి చేపట్టే అంతరిక్ష ఉపగ్రహ ప్రయోగాలకు ప్రత్యామ్నాయం కాగలదని పేర్కొన్నారు.

ram gopal varma shocking twist chief minister chandrababu naidu joins ysrcp

ఆర్ జీవీ తేనెతుట్ట నుంచి మరోరాయి

రామ్ గోపాల్ వర్మ.. ఆర్ జీవీ ఈ పేరుకు పరిచయం అక్కర్లేదు.. సంచలనాల దర్శక,నిర్మాత.. అంతకు మించి వివాదాలకు రారాజు.. ఆయన ట్వీట్లు రేపే కల్లోలం అంతా ఇంతా కాదు.. ఇదిగో ఏపీలో ఇలా..ఎన్నికలు ముగిశాయో లేదో.. ట్విటర్ లో మార్ఫింగ్ ఫొటోతో వివాదానికి తెరతీశారు. కుర్చీ మాదంటే మాదని ఎవరి ధీమాలో వారుండగా.. వైఎస్ఆర్ సీపీ కండువా కప్పుకున్న సీఎం చంద్రబాబు ఆ పార్టీలో జగన్ సమక్షంలో చేరినట్లు నకిలీ ఫొటోను పోస్టు చేశారు.

‘ షాకింగ్ ట్విస్ట్: ఇప్పుడే వైసీపీలో చేరిన సీబీఎన్! ’ అంటూ రామ్ గోపాల్ వర్మ కామెంట్ రాశారు.