బెయిల్ కాపీ జాప్యంపై సుప్రీం జడ్జి ఆగ్రహం
బెయిల్ ఆర్డర్ కాపీ అందజేతలో జాప్యాన్ని సుప్రీంకోర్టు జడ్జి జస్టిస్ చంద్రచూడ్ తీవ్రంగా తప్పుబట్టారు. ఇది వ్యక్తుల స్వేచ్ఛను హరించడంగా పేర్కొన్నారు. ఈ అంశంలో దిద్దుబాటు చర్యల్ని యుద్ధ ప్రాతిపదికన చేపట్టాలని హితవు చెప్పారు. జైలు అధికారులకు సత్వరం బెయిల్ ఆర్డర్ కాపీలను అందించక అలసత్వం వహించడం వల్ల విచారణలో ఉన్న ఖైదీలపై మానసికంగా ప్రభావం పడుతోందన్నారు. ఇప్పటికే దేశంలోని ఆయా జిల్లా కోర్టుల్లో 2.97 కోట్ల కేసులు పెండింగ్ ఉన్నాయని జస్టిస్ చంద్రచూడ్ తెలిపారు. వీటిలో 77 శాతం కేసులు ఏడాదిలోపువేనన్నారు.
