it was bear nepal army rejects indian mountaineering team`s yethi claim

యతి పాద ముద్రలు కావు.. అవి మంచు ఎలుగుబంటివన్న నేపాల్

హిమాలయాల్లో ఇటీవల కనిపించినవి యతి పాదముద్రలు కావని అవి మంచు ఎలుగుబంటివని నేపాల్ సైన్యం పేర్కొంది. మకాలు బేస్ క్యాంప్ ప్రాంతంలో కొందరు సాహసికుల బృందం తొలుత ఈ భారీ సైజులోని పాద ముద్రల్ని కనుగొంది. పురాణ కాలం నుంచి యతి మంచుమనిషి ఉనికిపై కథనాలు వెలువడుతూనే ఉన్నాయి. అయితే తాజాగా  యతి పాద ముద్రలు కనిపించాయంటూ హల్ చల్ చేస్తున్న వీడియో క్లిపింగ్ లపై నేపాల్ సైన్యం స్పందించింది. భారత సైన్యం కూడా ఈ పాదముద్రల నిగ్గు తేల్చేందుకు నిపుణుల దృష్టికి తీసుకెళ్లిన నేపథ్యంలో నేపాల్ సైన్యం అధికార ప్రతినిధి బ్రిగేడియర్ జనరల్ బిగ్యాన్ దేవ్ పాండే వివరాలు వెల్లడించారు. సాహసికుల బృందం యతి పాదముద్రలు చూశామని చెబుతున్న ప్రాంతానికి వెళ్లి తమ సైనికబృందం పరిశీలన జరిపిందన్నారు. పురాణాల ప్రకారమైతే 32X15 అంగుళాల సైజులో పాద ముద్రలుండాలి కదా ఇవి అంత పెద్దగా లేవు. కచ్చితంగా మంచు ఎలుగుబంటివేనని దేవ్ పాండే తెలిపారు.