anti cji sexual harassment charge refuse to subside

సీజేఐకు ఇచ్చిన క్లీన్ చిట్ కాపీని కోరిన ఫిర్యాదుదారు

భారత సుప్రీంకోర్టు ప్రధాన న్యాయమూర్తి(సీజేఐ)పై వచ్చిన లైంగిక ఆరోపణల పర్వానికి తెరపడినట్లు కనపడ్డం లేదు. తాజాగా ఫిర్యాదుదారైన న్యాయస్థానం మాజీ ఉద్యోగిని ముగ్గురు సభ్యుల అంతరంగిక విచారణ సంఘం సీజేఐకు క్లీన్ చిట్ ఇస్తూ నివేదించిన కాపీని కోరారు. సీజేఐ రంజన్ గొగొయ్ పై లైంగిక వేధింపుల ఆరోపణలు చేసిన మాజీ ఉద్యోగిని మంగళవారం (మే7) తన ఫిర్యాదులో ఆధారాల్లేవని పేర్కొనడంపై అభ్యంతరం వ్యక్తం చేశారు. నివేదిక కాపీని తనకూ ఇవ్వాలని విజ్ఞప్తి చేశారు. సీనియర్ న్యాయమూర్తి ఎస్.ఎ.బాబ్డే, న్యాయమూర్తులు ఇందిరాబెనర్జీ, ఇందు మల్హొత్రాల విచారణ సంఘం సీజేఐకు క్లీన్ చిట్ ఇస్తూ సంక్షిప్తంగా పేర్కొన్న నివేదిక కాపీలను సీజేఐ, తదుపరి సీనియర్ న్యాయమూర్తిలకు మాత్రమే ఇచ్చారు. అంతరంగిక విచారణ అయినందున నివేదికను ప్రజలకు బహిరంగ పర్చాల్సిన అవసరం లేదని విచారణ బృందం పేర్కొన్న నేపథ్యంలో ఫిర్యాదుదారు తన ఆరోపణల్లో ఆధారాల్లేవనడాన్ని ప్రశ్నిస్తూ  కాపీని కోరడం న్యాయవ్యవస్థకు సంబంధించిన వర్గాల్లో ప్రాధాన్యాన్ని సంతరించుకుంది.